If dem comot dis subsidy
Wetin remain?
Nothing to comot again.
Dem don comot many many subsidy
For Naija tee tee.

For life sef
Dem don comot subsidy far back,
Life no worth anything again.

If disease no kill,
Hunger go kill.
If hunger no kill,
Armed robber go kill.
If armed robber no kill,
Militant go kill.
If no be militant,
E go be dem thug
Wey go kill.

After dis subsidy
E go remain
Make dem comot subsidy
For inside government,
Di mother of subsidy.