PDA

View Full Version : Your head,4kasile!driver stop!



agensheku
Jul 11, 2009, 11:59 AM
I be funky malam and na small small yaruba i sabi. na one day i wan travel from lagos to shagamu.we enter one commercial bus and the driver kick am,e begin fire moto like no man s business!as he wan enter the Express,na im he put one cassette,tune am loud,na im dat one dey shout ORIE O FOKASILE!ORIE O FOKA SILE!na him i turn to my co-passenger i ask am wetin the music dey talk.e come tell me say @you head,e scatter for ground,shei,your head e scatter for ground!wayooo Alaah.na im i call driver,i say make im stop kiakia.i jump commot i say i no go again with that cab.e say why now?na im i tell am say,we never leave lagos,you don dey reach 120km per hour,on top of it,you cassette begin dey talk of scattered head...me i no wan accident o!my people,e be say like say music don finish for heaven abi which one be O foka sile?make Allah help us o abi if head scatter for ground,she na hospital wey dey perpetual strike go gather am together?:hail::clap::hail:

emj
Jul 11, 2009, 02:57 PM
Walahi, na real wahala be dat o....orie foka sile..scatter finish, nah who go pack am...so u bin leave da other passengers dem comot...chei, na real palava be dat o:p

Mikky jaga
Jul 11, 2009, 05:19 PM
This ya palava e get as e be. But me I for advice you next time not to comot from motor like that. You for ask driver first which person the music dey refer to. If he say no be you, then you know say trouble no dey. But if he say na you, abeg no wait for am to stop. Jump out of the motor fiam as e dey rush dey go.

Na my advice for you be that. Make you no allow ori e k'o 4ka sile.

WayoGuy
Jul 11, 2009, 06:33 PM
Chei mallam, sorry oo about this ya palava. You too funny.

Next time, if you hear funny Yoruba words make you just jump from the bus as Mikky jaga said! Make you no even wait for bus to stop.

Me self I don suffer for this <?xml:namespace prefix = st1 ns = "urn:schemas-microsoft-com:office:smarttags" /><st1:City w:st="on"><st1:place w:st="on">Lagos</st1:place></st1:City>. Last week I dey for <st1:place w:st="on"><st1:PlaceName w:st="on">Lagos</st1:PlaceName> <st1:PlaceName w:st="on">International</st1:PlaceName> <st1:PlaceType w:st="on">Airport</st1:PlaceType></st1:place>. I dey mind my own business dey read one book wey dey sweet me well well. Come see one Yoruba woman just come behind me like that and she said something like “Ah, o dara bi iwe lo iwe daa”.

Chei, Chineke God! I come run away from there like mad person. Me I no know Yoruba. But “Iwe” in Igbo be anger and when I hear the woman say “iwe” two times for one sentence, I ran. The way I ran self police even think say I thief something.

Even now, I never find Yoruba person wey go translate for English wetin the woman dey talk.

Sorry, mallam. <?xml:namespace prefix = o ns = "urn:schemas-microsoft-com:office:office" /><o:p></o:p>

Vade Mecum
Jul 11, 2009, 06:51 PM
Agens,

Nor be wey I say make I fisit NVS, naim I come see the title of a new palaver.

Naim I come decide to quick quick click on the thread, to read and study the palaver. To find out whether na small palaver, abee na heavy duty palaver, wey I go need to carry go worship mountain:pray::pray::pray: for divine insight, understanding and wisdom. B/4 I go come balance back, much much later, to come deliver the ogbonge solution, wey go dismantle the problem; or help others wey dey face similar palaver.

Nor be eem, I come seeam say, na you Agens dey exhale.

Well, no wahala at all.

MEANWHILE: Make I let you know weteen my people talk about your type of scenario:

My people talk say: Person wey nor go school, wey him hear say person wey go school, don speak oyinbo so tay, and after come add say "who are you". Naim be say: dem don talk say, make him wey nor go school, go ready properly for fight.

As you hear "Who are you music" Ee good as you Ben Johnson, my dear brother

valteena
Jul 12, 2009, 05:49 AM
:D:D:D:D:D:D:D:D:D. agensheku you do wellu wellu jare. Me sef for kia kai pick race comot for dat bus. Who wan die?